a súa vontade.

cando o corpo durme

prescinde de tódalas cousas

ata confundirse na súa sorte

que resulta un estorbo

para toda a razón

a carne non serve para nada

agás para reter os sentimentos

para humillalos

no medio do seu marmulo

pero non é doado

provocar as malas relacións

do pensado corpo

a significación dos seus actos

non sexa

que nos propaguemos ata o infinito

tan semellante

como a relación entre os seres

a vida sempre volve a buscarnos

a súa vontade regra os nosos actos

so a carne nos envilece

o tedio da realidade nos anula

é peor non saber

que non ser consolado

ah terra!

sinto horror de ti

dos teus habitantes perfectos

ben alienados

sen remordementos

insípidos pola novísima dieta

antídoto de todo o que atormenta

rexeitamento dos seres débiles

coa súa idolatrada indiferenza

cada noite cando o corpo durme

por graza a vida volve a buscarnos.