esta mañá non é de ninguén
á miña beira durme unha ancora
eu cos ollos debuxo nubes no ceo
e o olor das flores cando suspiro
mándame ao sol que ilumine as mámoas
cheas de ollos negros e sombras lentas
e desvele o tacto dos meus dedos
rompendo a xeada do teu corpo
nesta morada de follas secas
cal tesouro roubado do prefacio dun libro
conta nun ábaco de landras
cantas veces as mans ó corazón petan
con forza
e declina na auga a sangue
que vai chegando ao río
tinguindo ás escamas dos peixes de atardeceres
adeus adeus
de presas e afogos de paisaxes indecisos
e no medio deles
reflexa como a luz nun espello
este goce ebrio que converte á miseria
nunha novicia branca e bela
embriagante como o máis doce viño
que so se pode beber mentres soñas.
5 comentarios:
Despois de ler este poema ven a miña cabeza aquela frase do romanticismo , enténdase ao movemento romántico século XIX en Alemania e Inglaterra. “ A beleza é a liberdade”.
A paisaxe chea de conexións cos sentimentos ambientes nocturnos e sepulcrais a natureza expresión dos sentimentos do poeta.
Os principios divinos que murmuran entre as letras para entendelo amor noutros poemas neste blog .
Ante tanta indiferenza. Parabéns!.
Estou sempre pensando teño que poñerlle algo teño que faguelo e veño por aquí a miúdo as veces digo volvera a escribir volvera a facelo é que parece que cada poema que escribes é o final o final de todo e cando pasan días e non hai outro novo digo desta vai e logo aparece apareces como vido dende o que nos non nos atrevemos mireite fai tempo na Casa Galega da Cultura é quedei penso que foi ó único que escoitei por que te metiches dentro semellas algo vido de lonxe moi lonxe.
Forza.
E'un piacere leggere la tua poesia qui in Italia è ben compreso scritto galiziano. nelle ore di buona e salute.
Moitos Parabéns!.
Hola, queríamos darle la enhorabuena por su blog y además
ofrecerle nuestro servicio gratuito de intercambio de
banners con el que conseguirá más visitas para su blog.
Puede informarse sobre nuestro servicio en:
www.simban.site50.net
Publicar un comentario